Bacakara

先報過時，半馬時間 2:07:23，算是沒有退步，也沒有進步。 今年較往年寒冷，但天氣正正適合長跑。能夠年年跑渣打，已經是一種福氣。65,000名跑手，會唔會跑爛香港既馬路? 大會今年實施行李分區取回，疏道人流，值得一讚。

咁多位師兄...龍兄、on 兄，渣打又開始報名啦。 記得上年自己網上報名，結果比人lock 左個A/C，差D 出事。今年都係穩陣D，寧願唔要個限量贈品，郵寄算。 繼續向半馬出發。

唔經唔覺又成功捱過左個試用期，三個月唔比放假，其實對我影響唔算太大，反正自己都唔多鐘意平日放假，無所事事重辛苦。不過公司成日傳年尾會再抄人，自己新來新豬肉，其實好高危。 呢刻都係見步行步算。其實有野做住都唔怕時間難過，最慘係有時做晒野，但又唔敢準時放工個下先難捱。其實真係唔明D ...

未轉工前，日夜憂心，怕選擇錯誤。現在身處新環境，同事及工作都比預期理想，已經心足。 有時做人就係咁，害怕轉變，但窮則要變，變則通。工作壓力係大左，責係係重左，但總算無選擇錯。假如我仍在舊地，每天只會只怨，生活那會有快樂。

由90年世界盃開始，轉眼又多個年頭。每四年一次，四年前在舊公司工作，再四年前剛剛開始出社會工作。再四年前可以捱夜由分組賽看到決賽。早多四年只記得在中學打轉。 下一個四年，又會在何方?

手執白信封，走入老闆房，門未關，大家也知所謂何事。自己未做過人上司，但估計感覺都不好受。剛剛先食完早餐，杯奶茶都重暖，就有個死佬走入來請我食抄魷魚......唉! 照舊大家吹下水，問下原因，照舊答d客氣說話，多謝完老闆一句，又感謝老闆一句，然後就開門走人。那一刻全部門都明白咩事，...

今年是第六年參加渣打，天氣悶熱。仍未能在兩小時內完成半馬。 無他既，平日少練習，成績點會好。 2hrs6mins27sec 完成 屆屆都有唔少跑手出事，希望各位健健康康，繼續長跑長有。

今年沒有點練習，六點起步，只求盡力完成。

終於裁員潮完結，要走的終須要走。 雖則未必全部在工作上有接觸，但總令人傷感。同事一場，期望多多保重。 當然人縱然離去，工作卻不會流走。屬你的始於屬你，不是你的也變成是你。 虎年定苦年，一線之間........... 祝大家新年進步，虎虎生威。

2010第一篇網文，竟然係........... 公司終於開刀了，估唔到會咁傷亡慘重。要走的固然可惜，留下來的亦未見幸運。 已經拖左好多年，係時候再次逼自己面對現實，走出社會看看，但我確實看不見彼岸。

細過讀書都有教，今天事今天做。之前闊佬懶理，以為報渣打無難度。臨近人數爆燈之際，漏夜上網登記。年年如事，年年都如常。誰不知登記期間，渣打網絡出現問題，結果要打上CS求助。如是者足足擔心左半個月，日日覆查進度。CS哥哥回覆總是跟進中，成功登記不會另行通知，請自行網上查閱。 你話係咪...

臨近年尾，大多是公司評估員工既日子。一年流流長，年頭有咩大事發生，邊會有人記得。但年尾做錯野，就一定比人認為全年都有過失。碰巧自己總是年尾出現問題。 越近年尾，轉工既念頭就越消沉。始終年尾流流一動不如一靜。過左年先再算，過完年，又話年中再諗，到年中又想年尾才作決定。結果年年如此，...

又收到SMS通知，新一屆渣打又開始接受報名。 近來腳患纏身，尚未決定今年報 半馬 定 全馬 好。

與舊同事重遇，閒談間已看出同事們不論待遇與工作都有明顯外善。 突然間，自己有所反思。 此刻雖未算窮到乞米，只是近年看見朋友四處闖盪。相比下，自己只是一直原地死守，仿似失去了年青人應有的拼摶心。 是否應該盡力出外試試?

再次証明，寧得罪親朋，莫得罪高登。小小一單港女大鬧元朗聯興行，可以由罵戰到榮登報紙頭版。真係唔知好嬲定好笑。 有人話當事人可憐，比人起晒底，都唔知點見人。好彩香港人善忘，早期既巴士阿叔，美心港女，已經過眼雲煙。 現在出街真係唔好亂咁同人嘈，因為時代已變，『笨人出口鬧，叻人手機拍』...

一早起身，打開電視機，出奇地8號風仍在。可惜天文台預早張揚，十點會落波，唯有較好閙鐘，繼續返床碌過。 打半天風，最擔心唔係趕唔切返工，而係午餐點算好。穩陣起建，都係食個飽飽既老麥，買定多個包填肚，就一定無死錯。 其實返半天工，個人都未入狀態，就更想快d放工，結果生產力基乎係零。

上次既熱帶氣旋叫『彩虹』，一聽個名都知一定打唔成風，無法子，要遇見彩虹，總是雨過天晴時。今天又輪到熱帶風暴『巨爵』，又係九成晚間經過，看來明天要繼續返工。 其實香港人日日期望打大風，可能生活實在太幸福，攪到個個身在福中不知福(包括自己)。

今早差點與同事嘈交，明明只是少事一則。 無可否認，人與人相處，都是偏向親近易話為的一眾，多過麻煩之輩。所謂麻煩人，可能並不事事麻煩，但一早已被標籤，較難客觀對待。 控制情緒是一門學問，強制忍受又是另一回事。經濟唔好，打工仔唯有百忍成金。那久而久之，會否有日被人餵屎都要照食?

一直都好鐘意移軸鏡既玩具效果，要我花一萬幾千買根本無可能，雖然一路都知PS可以後制，但都係一個字懶。難得看見On兄有好介紹( 移軸效果 )，即刻一試，真係好好玩，哈哈!

唔覺唔覺原來我地條鐵路已經變得咁複雜。記得小時候跟家人去拜年，當年未有藍田站，要到觀塘要兜一個大彎。最慘係為了禮面，送禮一定係大曲奇，大蛋卷，一家幾口同日要由港島東到荃灣，再到觀塘後，先有得折返。 現在交通方便了，但已經多年沒有再去拜年了.......!

只是一時不小心選擇了任人留言，結果就被『炸版』。重要全部用日文，賣廣告都唔知你想賣乜，你到底想點? 有無方法可以一口氣刪除晒佢地.........!

會考放榜總是下雨，不知上天是否有心讓一眾學子經歷人生第一次巨變。 有人歡喜有人愁。自己一向成績唔好，總是不明白為何別人可以三十分，自己連八分都不夠。也許是自己不努力，也許是別人太瘋癲。 近年認識的小朋友大多經歷會考挫折。有選擇重讀，有選擇就業。現在看來，怎樣也是一門出路。

在九時多，忽然辦公室傳來大叫聲。看見了，看到偏蝕了。結果男男女女十幾人，在一舜間仿似變回小孩，手舞足動，拿著X光片，舉頭觀看天文奇觀。 數分鐘後，各人返回坐位，繼續沉默不語。自從年青一輩選擇另謀高就，部們來年齡層越推越高。既然自己都不再少年，只好無奈接受。 走出去會有另一天空，但...

小時候沒有adidas，穿不起nike。yasaki才是我們的大牌子。今天再要求小孩子穿著，相信比死更難受。數百元一對波鞋，都不合潮流。過千元絕版，只是一季貨仔。 還記得第一次脫離yasaki的日子，都不知開心了多少個晚上(証明我也是虛偽的人 >_@")。生活...

以為停左雨，跑唔夠一陣又落狗屎。不過既然開始左，無理由放棄。 炎夏之時，難得下雨消暑，今天在大雨中，完成全程。

很多朋友都奇怪，可解新居入伙多時，仍不大事宣揚，大攪派對。 坦白說，除了好朋友外，根本沒考慮告訢別人，尤其是公司同事，更是隻字不提，免閒言閒語。當然知道消息的朋友，再四處放風，就無話可說。 人總是八卦，一知道你搬左，又傳你忽然發左，又問樓價幾多，又問你同邊個住。 喂大佬，關你咩事...

同事完病假復工，神神秘秘地休息左十幾廿日。今日返工，照舊大家無點問，相信問都唔會答，免大家難做。 公司今年真係流年不利，輪住有同事入廠。重要下下唔係兩、三日貨仔，一住就幾十日。自己慶幸暫時無穿無爛，不過多人放假，手頭工作自然多到嘔泡。

放了一個短假期。記得假期前，有太多碎鎖事要兼顧，成日谷住度氣。 假期中，只是帶上相機在街上遊走。今天與同事閒談間，別人說我學攝影，從此走出電車世界。坦白說，自己比電車男更懶。懶得上網同人爭拗，懶得自吹自擂。 放假到書局看看書，隨處影下相(雖然大部份都是劣作)。原來攝影可以讓人放鬆...

歐聯大戰，結果唔洗多講，完全係比人技術性擊倒。 所以話，一念天堂，一念地獄。貪勝不知輸，比賽前，各方睇好，排陣失當，攻守不平衡，結果白白浪廢了一直的努力。 無咩點訓過下，自己都走左去踢波，當然唔方踢得好。 不過踢完波，能夠三、五波友，坐係茶仔，吹下水，飲杯野，食支煙，算係快樂時刻...

真係開口中，前日未出門口已經無停過雨。上次毛毛雨踢波，已經算近年少有。估唔到今次，十幾人決戰大雨天。可能平日谷埋太多怨氣，雨水正好幫大家消消氣。 話是話，自己其實都幾適合踢水戰。本身無技術可言，單靠體力與速度拼摶。落雨天， 反而更利簡單足球。因為香港地，不論你幾好扭點都唔及場地爛...

人越大，越怕辛苦。熱又話熱，凍又厭凍。好天望打風，落兩就唔想返工。星期六，未開波已經落緊毛毛雨。難得約齊人，無可能就咁走。結果十幾人，踢番場水戰。 間中睇英超，時不時就見比賽途中落狗屎。半場都未過，又出太陽。坐係電視機就好爽，真係落下場，就會知水戰一D都唔簡單。體力要求高，技術要...

上網無意間，搵到本漫晝叫『馬拉松硬漢』，真想dl來看看。

今日經過一間相機鋪，見門口擺左盒 50mm f1.8，岩價錢即時入手。

兵工廠隊歐冠盃出局　肯亞球迷用球衣上吊 肯亞警方今天表示，英國足球勁旅兵工廠隊（Arsenal）在歐洲冠軍盃聯賽（Champions League）準決賽以1比4敗給勁敵曼徹斯特聯隊（Manchester United）後，肯亞的一名兵工廠隊球迷上吊自殺。 -----------...

『一個水桶，幾時先會出聲?』 看了 龍兄 既文章，想起小時候的一個故事。 事源細細過到球場踢波，認識到一班波友。其中有個肥仔，成日都會教踢波。當時年少無知，自然串串拱。一直認為肥仔吹水唔個抺嘴。 自然要搵個好日子，one on one 鬧下球技。結果就如『施路頓』遇上『肥馬』，飛...

想買支大光圈玩下，呢支50mm f/1.8 八舊水有交易，絕對係窮人之選。不過呢幾日搵過好多地方都無貨，看來要搵日過旺角巡巡。 PS:- 三日假期，難得好天氣，自然帶住部相機周圍影下花草樹木，自得其樂 ^^。

從購入新玩具開始，其實只是隨處亂影一通，亦明白自己對攝影知識的不足。結果星期六、日，最佳娛樂便是到商務打書釘。可能未至七老八十，企足一日都未算太辛苦。過百元一本攝影書，未必本本寫得好，不過唔洗錢當然本本都唔會放過。 當然攪攪震，點都有少少幫襯，誠意推介...呢本真係寫得好，平靚正...

Nikon D90 DSLR price to rise 10% Thursday 16th April 2009 Chris Cheesman nikon d90 Nikon is set to add another £80 to the price of its flags...

有了新玩具，當然會日日四處拍。但越拍越覺自己基本功不足，無技巧，無構圖，只是胡亂拍。

終於買了 Nikon D 90 啦,正式走入單反攝影世界 要選心水品牌，價錢是重大考慮。平民版『Canon 450D』，是入門好選擇，可惜手感不及『Nikon D90』，當然價錢都高出一倍。 相機與攝影世界博大精深，空有新相機，但缺乏技術等同浪費。 帶大相機出門，不是為了滿足虛榮...

今日好神心一早過去 Nikon 同 Canon 個 show room。有實物相機摸上手，感覺完全係另一個世界。始於走去門市試平機，只會比人白鴿眼。大廠有展場比人任玩，其實方便好多。尤其 Canon場，平到1000D，勁到上Mark 2都任開任影，Nikon就鎖晒入櫃，有點比下去...

自從放風聲話想買單反機，各方好友都提供意見。其中有朋友更不厭其煩在MSN留下四百字心得，真係感激不盡。可惜小弟完全一竅不通，朋友仔既分析，除左抵買同唔好買，呢類評語外，其餘就好似對牛彈琴。 不過最重要是了解自己需要什麼! 1. 價錢 ← 其實都係五、六千元。(無法子啦，除非大笨象...

用左部傻瓜 DC 五、六年，機身仍保全良好(我一向錫機)，功能簡單易用。不過呢期，好似身痕咁，想買部入門單反機。 除了當玩具之外，心態上既轉變都有影響。如其晒錢供股，不如賣供股權，補少少錢換部相機比自己。買左既實物一定係屬於自己，供左既股票，可能只係益左高層又分花紅。 講到相機，...

1. 好多運程專家都話今年我係辛苦年。農歷年一過，已經多了很多新工作。近來更夾雜在兩位上司的鬥爭中。其實作為小職員，最怕兩面不討好。結果兩者相爭，我先被魷。 2. 昨晚聽電台節目，發現仍有不少港人返內地遊玩，卻慘被割下身體器官。其實一路聽一路心寒。經濟發達，都無助內地改善生活嗎?...

昨日臨收工，收到老爸電話，通知老媽入院檢查仍未清醒，可能需要留院，要等醫生巡房後再決定。雖則生老病死，人皆會遇之，但針唔吉到肉唔知痛。到自己親身經歷，真係心都慌埋，成個人沉一沉。開始明白，點解好多死傷者家屬，遇到親人有意外後，都會迷失方向。 PS 老媽應該好番了....可以日日大...

大笨象咁跌法，真係聞者驚心，見者流淚!

果然今日是晴天。 休息左兩星期，今日踢波走動下，成個人都精神晒。

非正式統計，平日返工既日子，九成會出太陽，但一去到假期天，總是下雨天。約好晒朋友，最終還是要取消活動，有時都幾無癮。 就以踢波為例，小時候真是打風落雨也不怕。學可以唔返，波總是會踢，風雨不改也。現在要約齊人已經好難，還望日日好天，否則一定踢唔成。可能人大左，真係越來越懶。 其實落...

可能真係流年不利，自二月初受傷開始，右腳一路都未痊癒。重要忽然腳指尾起水疱，真係行路都痛。初步估計，右腳肌肉拉傷左，唔知要休息幾耐。 有時做人就係咁，呢六、七年都未試過好似呢期要停跑咁耐。 記得某年某月某日，自己寫左張post-it 係枱頭，大大隻字寫明『一星期一跑，下年玩毅行者...

渣打過後，一直都覺得右腳隱隱作痛，早前踢波重要發軟蹄。印像中呢幾年參加過唔少活動，今次算係傷得最嚴重。呢刻真係連行路都覺痛，唔知要養傷幾耐先會好。 最失望既係，想跑步都無得跑，日日返工放工坐屋企，好似足球員坐冷板無得落場咁無奈。 期望天氣回暖，可以去游下水，當做下水療吧!

相信只有小部份員工係自願出席公司聚餐，大多數都係應酬性質。全晚流流長，除了摶會抽中獎，其實真係好無謂。自己一向無中獎運，咁多年最叻都係HK$100屈臣氐禮卷。 反而好羨慕部份同事，真係旺到你唔信。咩手提電腦、四十吋電視機、現金獎等等。差唔多抽齊全屋家電。到底係別人前世做得好事多，...

剛 結 束 的 長 跑 盛 事 渣 打 馬 拉 松 ， 被 揭 發 「 分 身 」 醜 聞 。 全 馬 組 別 出 現 兩 名 4 號 跑 手 ， 一 名 是 賽 會 特 邀 的 香 港 代 表 隊 選 手 劉 廣 文 ， 一 名 則 是 他 的 教 練 吳 輝 揚 。 有 投 ...

咩都唔講，報左成績先:- 2hrs 04mins 44sec 成績同目標差左幾分鐘。不過考慮到今年狀態係咁多年中最差，成績反而係呢幾年中最好，但都係一個遺憾，不過人生總有遺憾，咁先有目標下年努力過。 昨晚照舊訓得唔好，年年都係咁，有無高人可以教下小弟如何化解!食過麥記靚早，就出發...

計聖誕交叉文後，我『阿鞋』又再次出場。今次要介紹下我個同事，『三寸高跟』。話說佢成日都笑我攪乜鬼，明明可以行街、睇戲、食飯、買衫，做乜要晨咁早，比埋錢咁去辛苦自己，訓多陣唔好咩? 其實鞋仔既生命好短暫，潮流一過，不論你幾貴，幾型仔，一樣都係擺埋鞋櫃等老死。反而學我做一對臭跑鞋，雖...

今年係第五年跑渣打，中午時間已約左個朋友仔去維園攞裝備。少有地人數唔算多，十公里同半馬條龍都係得幾個人。反而全馬就鬼咁長龍，可能大會明知你地都係長氣袋，等下都無仿啦。下年啦，下年我都會做番型仔既全馬人，哈哈。 見肥龍兄講開大會既紀念品好唔掂，無主題又無款，好似是旦比舊野你咁。不過...

新年流流，小朋友就最開心，因為有假放，有利是收。不過唔知派利是既人又會有咩感受呢? 自己未結婚，但過年都諗左好耐，係唔係要比封利是樓下個幾位看更呢? 記得大年初一出門口，個個都鬼咁好口。不過見我無表示，年初二、三都無再理我。其實都幾矛盾，明明應該係我收利是，現在掉轉頭要我派。最弊...

農曆新年是小販擺賣掙錢的良機，一對賣煨番薯的母女趁年卅晚，在西環卑路乍街後巷叫賣，遭食環署小販管理隊票控及拘捕。途人見狀代為求情稱「個個都想回家團年」、「家境好都不用擺賣啦」，有人更願代交罰款。惟販管隊人員充耳不聞惹起公憤，引來近200市民圍觀及直斥不近人情，事件擾攘個半小時，母...

記得好多好多年前，大年初一要陪住家人周圍去拜年。當年都未有咩東涌線、坑口線。要去荃灣、去觀塘，真係要兜大大段路。而一天既行程就好似周遊列國咁過。當年其實好唔願意，重要明知所收既利使，大部份都係被家人收回。 不過唔知由幾時開始，無再去拜年，基本上大年初幾，對我都差唔多。可能過多幾年...

臨近過年，周圍都大減價，諗住買番條新褲比自己。 無留意貨架上寫咩，只係岩價錢，揀岩尺碼就走去更衣室試試。一係唔著，一試就出事，單腳都穿唔落。放心，唔係因為我肥，睇真d，原來係一條修身窄腳褲。 女仔著都還可以，完全唔敢想像，一個大男人，點可以著得落。尤其係我呢D，跑慣步，踢開波既，...

寒冷天氣警告之下，仍然有個傻仔，短褲衛衣，渣支水就跑落街。周街都係一家大細趕辦年貨，自己就趕住跑埋呢課。計計下離渣打既日子唔係好多，可能跑多一課就會休息等比賽。 今年新年算幾凍，一路跑一路吹住海風，如果唔係無所事事，斷估都無人會同我一樣癲。大會今年安排左係星期六、日攞比賽衫。其實...

高官日日做show叫市民消費。星期六、日行出銅鑼灣你就知，唔洗高官開口，市民都買到無停手。可能過完聖誕，又到新年，大時大節人人都想對自己好吧。自己都有心郁郁，好想換番部iphone。 不過上網查下，閒閒地都要五千幾。最弊係自己部PDA phone賣番出去都唔值錢。要大筆錢攞出來，...

昨晚同左班舊同學食飯，其實大家都係一年見一兩次。通常朋友既野唔見唔見，就會開始不相往來。間中既飯局，算係為友誼吊下鹽水。不過可能真係變化太多，昔日浩浩盪盪一大班人，現在只得三五成群。 計計下自己重有來住既朋友，越數越少。初中得番5個，高中得番3個，大專算係較多，新相識既朋友始終都...

成日都話跑步既野好奇怪，明明落街開始跑個下，好鬼累又天氣熱，知自己無咩態。但跑跑下，唔覺唔覺咁又加程完成。 記得四、五年前開始練跑。由初初一星期半個鐘，到今日跑左一個鐘頭四十五分鐘。由跑公園仔到現在次次跑街，真係唔覺唔覺咁成長。 唔覺唔覺咁，可能又會完成左今年既渣打。不過只係短期...

自從搬家後，初頭都有d驚。無他既，一年都唔病下，新居入伙就病到要睇醫生，初頭真係以為屋企有污漕野。但諗心一層，咁大個人，都無咩好怕。 『本來無一物，何處惹塵埃』!!! 其實都唔係第一次搬開住。讀書既時候都試過住宿舍，同一大班同學仔住左三年。當年一條走廊一呼百應，夜夜都唔願訓，訓醒...

由細到大，阿媽都教落好多習俗。其中新年著新鞋，就咁多年都無改變過。 記得細過，每逄年三十晚，食過團年飯，就一定會一家人先回家換過新鞋，再一齊落街行過大運。小朋友重要一路行，一路諗諗有詞:-『賣懶，賣懶，賣到年三十晚，人懶我唔懶』。不過賣左咁多年，都唔見自己有點勤力過，哈哈!! 由...

新一年話左要變，第一樣要改變係要大胆d。尤其係約下女女，就更加要主動啦。不過要周街去識人，又好似唔知點咁，可能電話都未攞到，人地已經打左999。 好彩科技進步，有facebook可以周圍add人，魚翁撒網願者上吊。呢幾年真係好大變化。由早期既ICQ到網上討論區，人人都好似變晒分身...

距離渣打既日子越來越近，但狀態無咩點提升過。一來真係懶左好多，二來呢幾年好似到左樽頸位，再跑唔番上去。 睇見其它網友，前前後後報左好多不同比賽。自己呢? 年年都只係得一個渣打，今年希望會有少少改變，試下不同路線，可能會迫番出個鬥心。 PS 有無人知，其它比賽既資料呀? -----...

一早預備左一月一去操番一課。咁岩天氣鬼咁好，食完午餐，即刻換衫跑落街。雖然狀態唔太好，不過感覺幾好。 捱過左艱辛既零八年，人人都話零九更衰‧我就話希望今年同跑步一樣，有咩難關都大大步跑過。 正式進入渣打半馬既倒數日誌....... 同祝大家 ........

08年真係過得好快，轉眼又到年尾。更加唔覺自己做左d咩大事，想回顧都無野好寫。其實一路都明，好多時係自己收埋自己，多過人地唔去理你。← 只不過真係唔知點解，自己全年都想冬眠咁 。 新一年就到，年年都會寫下來年展望，有幾多做唔到，又幾多無諗到。舊既野無謂再寫咁多，過去既就等佢自動慢...

話說終於都過左呢四日假期，快樂不知時日過，但唔快樂，日子都係咁過。全年咁多個節日，其實最唔鐘意首選聖誕。 話咁快又除夕，不過一日半日訓醒已經又一日。 呢個假期，最大變化係想學飲紅酒。經過超市，望見幾十款酒，真係唔多識揀。鬼唔知越貴越好，不過作為新手，無理由買支幾百蚊咁晒。結果上網...

倪生同周小姐由分手到決定結婚真係好睇過電影， 劇情發展真係估佢唔到， 同期加映某電視台高層極速分手再復合(雖然貌合神離)， 倪周兩人感情發展係大部分人餸飯必選， 但係去到7記見到所有雜誌都用佢地做封面真係飽到嘔。 倪生結婚復合宣言都幾情深， 但係周小姐受玉女掌門人之名所害而被認為...

已經收到鎚兄送來既交叉文，再去番原作者既網誌望過兩眼。完全覺得係一個專業股評人既網站。咁都好既，籍著呢次交流，讓自己又認識多一個好網站。 明天會依時登出作品......唔知自己篇爛文又會登左去邊呢? ----------------------------------------...

可能年紀大，但思想同行為，完全唔成正比。 細過打死都話唔會著恤衫西褲出街，結果現在一星期著足五日。 細過成日覺得食煙好型，現在後悔自己做咩浪費左咁多生命資源。 細過話飲啤酒要大大箱咁先勁，現在覺得要開始學識嘆紅酒。 --------------------------------...

今朝早出席左個朋友個就職慶典，朋友仔經過多年努力，終於榮升專業人士。其實個儀式只係廿分鐘，莊嚴又不乏笑位。同朋友仔算係相識於微時，唔覺唔覺又多左個十年朋友。 最攪鬼係，自己到會場準備上前同朋友仔打招呼之際，竟然有吧女人聲叫停我。回頭一望，原來係阿嫂，不過就點都記唔起佢叫咩名，甚至...

亞視都算攪鬼，個頭搵兩個高層回來改變，轉頭又四分五裂。無人知個實際情況係點，更唔知個結果係點。好有可能係某d人相變，某d人唔肯變，結果變成泰國兵變。 其實黃生比我感覺唔差，話晒我都幫過佢打工，當年都用過CTI 56k modem dial up上網。記得CTI總部係荃灣附近既工業...

其實上年已經知有呢個活動。不過自知自己文筆差，又成日寫白字，又無咩創作技巧。怕會出醜在人前，結果都係決定做旁觀者。 不過睇番個活動，真係好得意。唔少高手既文筆同故事性都一流。尤其係d出名網誌，可以用精采來形容。 今年活動仍是繼續，自己都諗左好耐，計劃會寫乜，連稿都準備好晒，先夠胆...

近日有藝員於澳門欠下80萬元賭債，連累電視城外牆、家人寓所外及經營的咖啡店被人淋紅油警告。 ---------------------------------------------------------------------------- 欠債還錢，天經地義。年青人誤入騙局...

踏入12月，又係一個總結。咁又一年，轉眼又過左廿幾年，都咪話唔灰。 記唔晒呢年定左咩目標，只係知有好多都唔達標。 話詳要儲錢買多幾手大笨象。呢刻HK$8X都唔敢亂買。唔係唔知大笨象出名穩陣，但幾穩陣都會有風險，無理由將所有蛋放晒係一個籃。最慘係呢期，有錢都唔敢亂投籃。 今年無詳學...

搬家後，小狗出奇地硬頸。雖然飯照食，水照飲，但就係一直唔肯安定下來。時不時隔離左右有咩風吹草動，開門開閘，都一定要去門口視察下。昔日都未試過咁勤力，估唔到家下先來個資源增值。 其實小狗同人一樣都係怕被遺棄，但又無力反抗。日日唔係食同訓，其實就係等家庭成員出現。

搬遷工程進入第二期，今次主角係老狗。記得小狗細細過已經跟住老爸，真係老爸咳一聲都會仆過去望下。現在老狗要搬家，家人當然唔會怕，因為明知距離不遠，成日都可以再見。 最煩係老狗根本唔會明，明明好好地住大屋，有人照顧、有人畏飯。現在要開始轉換環境，都唔知慣唔慣。有D似狗到中年先來折墮，...

病向淺中醫 昨日喉嚨痛到連吞口水都痛，根本無晒食慾，訓又訓唔到。結果今朝都係偷偷地係辦公時間鼠去睇醫生。連醫生都奇怪點解會發炎到咁紅，以為我有咩暗病。 就係咁醫生比左兩日藥同一樽咳水。唔食又只何，一食即時『睡魔』上身，差d失去知覺。最慘係今晚重有野要做，呢刻都唔敢再食d藥住，怕真...

都係自己胃食，昨日忍唔到口，一個人食左十幾粒牛肉乾。食完飯都未落格，又嘆左份百福凍豆花，之後重要食埋個凍雪梨作宵夜。 結果訓訓下覺已經知出事，個喉龍鬼咁乾，吞口水都痛。結果成晚就係咁過，第二朝起身好彩未見有傷風同肚痛。如果唔係真係有排煩。 唔知係呢排操得太行，跑步凍親加埋食生冷野...

為左執屋請左假無返工，呢個市勢請假都要抱好大決心，真係唔知遲下重有無工開。 呢一輪，尤其係放工時段，睇住男士西裝骨骨，女士短裙飄飄。自己就差唔多日日都係拖著紙皮同膠箱往來。唔知情既人，可能真係會估，加下後生世仔都要同阿婆爭飯食。 最弊係，市道幾唔好，紅色炸彈一樣日日有驚喜。數數手...

終於都正式搬家，一架貨車，廿箱雜物，一陣風咁就又街口搬到另一個街口。 老媽子教路，食過燒肉，拜過四方，新屋入伙，但求身體健康，事事順利，大吉大利。 自己都有自己個方法，就係即係走落街，跑番課步，但願日日好腳頭，一路順風。 -----------------------------...

日本漫畫足球少將出左幾十年，真係由細睇到大。 記得由中學開，已經唔鐘意打籃球。可能自己生得矮，無謂自暴其短。踢波就唔怕，你睇老馬同美斯咪一樣咁威。 結果細細過已經落維園踢波，最遺憾係唔可以有一班由細踢到大既波友。年紀大左，更加珍惜有波既既日子。無天份，無技術，呢刻都可以用體力搭夠...

如果真係相信，明年經濟會更差，失業率上升，大公司日日裁員。呢兩日放完假，明天返工可能連個位都無埋‧咁係咪應該要減少消費呢? 呢兩日游完水都經過 SOGO ，照舊上去打個白鴿轉。層層都減價，但無樣野係想買，同真係要買。淨睇唔買既叫『遊客』，攪攪陣唔幫襯叫『衰客』，真金白銀出手先係『...

成日口口聲聲話，唔好太辛苦啦，等正日先搵師傳搬啦。 結果呢? 差唔多個個星期都人肉送貨機。好多怕打爛，但又一d都唔值錢既，都係人手搬運。最衰自己無車，同埋唔識裝櫃。如果唔係真係可係call架雞記，一箱箱紙盒車走咪得。 除左新屋，舊屋呢邊都要大翻新。好多家俱都要移位。一家人假日既節...

唔經唔覺六月開始到十一月，好似轉眼就過左。中間發生左一件可能改變一生既大事。有邊個估到年初明明歌舞昇平，年尾會爆全球股災。一個唔覺意，如果市道再差，小弟隨時由上車客變負資產。真係未搵到第一桶金，已經比市場打你一獲甘。 年初一直埋怨工作不如意，大不了轉個份工，今日慶幸每朝仍然要返工...

昨晚查到朋友再一次成功完成100公里，自己都要比心機。今日見天氣咁好，又小小涼意，即時加緊操練。 大約跑左15公里，時間同體能有待提升，但鬥志明顯係比友人既毅力感染。 『不退縮，因為有信念』

今日又係2008樂施毅行者既大日子，自己雖然退左役，但都會繼續支持同鼓勵所有上山既毅行者。

兜兜轉轉，呢幾年都學過唔少課程，有d 係貪得意，有d係見有政府比錢，所以唔志在。不過望翻轉頭，其實好多都無詳專業資格。唔只係晒錢晒時間，甚至乎可以講係可有可無。十幾歲就望早d畢業，廿幾歲就望搵份好工，快到三十歲，反而唔覺有咩大成就。養妻活兒未有本事，考順父母都係得過且過。尊重朋友...

今日晚上食左餐生日飯，不過唔係同朋友慶祝生日，今次係老鎷子60大壽。估唔到日子真係過得咁快。祝願家人同自己都身體健康，幸福快樂。

由中學離開用『call機』既日子開始，手機上台由和記→Sunday→新世界→數碼通。電話款式都轉過幾次，唯獨電話號碼算係與我常在。 一路都以為交唔足一舊水月費已經算好抵。誰不知一問之下，身邊有唔少朋友、同事都係交緊幾十蚊一個月，有D誇到$38乜叉都包晒。自己交一個月等月佢交三個月...

終於都進入執屋既階段，自己性格一向都唔鐘意臨急臨忙。雖然有排都未搬，但一早已經想快快手執好晒D野先，攪到間屋鬼咁多膠箱同紙皮，行兩步都無位咁就岩晒。 尤其係星期六、日，無咩街去，最好都係慢慢執下野。其實搬屋都有一個好處，可以搵番好多年都無拎過出來既野，再掉左佢。平日見佢唔到，咪比...

睇左肥龍兄話 At least he never walked 我自己補多句 At least I never stop ------------------------------------------------------------------- 自己都寫底自己個練跑經...

唔知由幾時開始，雙腳間中都會赤赤痛。有時係擦損既痛，有時係扭傷既痛，最難攪係雙膝軟組織既痛。 其實自己知自己事，好多都係舊患。唔知第日老左行動唔方便時，可能痛到叫救命都似。最高峰期，自己真係準過天文台，未落雨前雙膝已經有預知能力。咁後生就『風濕』，幾時先捱到老呀? 不過做人有事就...

一向都好鐘意睇CEO黃毅力實戰手記，難得有一個有錢但思想正面既商人。發財立品係人都識，不過如果唔係真係發自內心，其實好難厄到人。每星期簡簡單單四、五百字話易唔易，但要寫得好真係幾蝦人。 -----------------------------------------------...

細細過踢波，短衫，短褲，白飯魚，加樽水就飛去球場。如果著到成身波衫，但又無技術，實會比人笑扮野。 但唔知由幾時開始，波衫變左唔再係球員先著。甚至乎我覺得球迷著波衫重多過球員著。各大球會都好醒目，年年轉款，年年加D減D，換下色，就可以賣過滿堂紅。 記得細過，間中都會係D運動鋪，執到...

嘆完個下午茶，見個天停左雨，第一時間仆番屋企換跑鞋落街操番課。涼風陣陣又唔曬，唔算太熱又唔凍。其實係幾好跑，不過如果可以再涼多少少，咁成績一定會再好D。 自己無咩點去計時或有咩儀器check心跳或跑速，次次都只係一支水上路。同平日差唔多都係跑十公里左右，無飲個水(當然有帶水)。可...

新買個部 Notebook，用1G Ram 行 Vista真係有點吃力。不過睇暈晒成本說明書，上網查埋，都唔知自己部機個配置係點! 可能呢樣就係大陸野，被其它牌子比下去既地方。 最後自己都係拆開機底，抄底number上網問人。當然穩陣D，都會去其它門市鋪頭扮下街客，摶個Sales...

渣打馬拉松2009，又開始報名啦。10月31日前報名會平D架。 未玩過既朋友，真係要親身試下。跑開既朋友都要快快手決定報咩路程啦。 如無意外今年自己會繼續跑『半馬拉松』，希望做番好個成績。 不過今年，自己都未開始加緊操練，反而踢多左波，一星期三場，呢期狀態真係提升左唔少。希望ke...

老爸媽又打殘左部電腦，今日去左好多地方格價同睇機。原本明明想買件曼聯波衫比自己，結果反而買左部手提電腦比家人。 講開電腦，屋企咁多年都唔知換左幾多部機，細細過阿爸用成皮野買比我學，估唔到今日到我用四千幾回贈番比佢。其實手提機當家庭機用都係第一次，不過長遠計自己第日回家都可以有機用...

名校刁鑽小一面試題 網上熱傳 「clinic與hospital分別？」 「給你1萬元會買什麼？」 ----------------------------------------------------------------------- 唔好話D小學雞，你呢刻問我，我都要再三...

由細到大都鐘意踢波，雖然細過係接觸籃球先，不過好快就知自己唔岩打波。 而家好好彩，識到一兩個朋友仔。間中都會有衛生波踢下，一兩個星期有一次，當係做下運動。記得自己細過踢波好屎，而家都唔見得好。不過呢幾年，體力係好左，球路都好左，開始學踢老鬼波。 踢完波，最開心都係一大班波友去茶餐...

由『伊利』、『蒙牛』開始，估唔到今日發現『樂天熊仔餅』都有事。尤其係特濃朱古力味，實為本人至愛之一。大吉利使講句，如果連『維他奶』都有事，就真係大檸樂啦! 講開熊仔餅，最記得係六角形包裝，一望就認得。 記得小學時期某年聖誔節，學校有party，包括有交換禮物既環節。唔係好記得當時...

深圳發生當地15年來死傷最慘重的火警，一間無牌經營的歌舞廳突然起火，現場窗戶密封，逾千人擠在狹窄通道人踩人逃生，至少有43人死亡..... ----------------------------------------------------------------------...

今日中午，靜靜雞走左去茶樓攞位同叫定野食。請左三個同事食番餐。其實一來係為左開心，二來人地都請過我唔只一、兩次，自己點都要做下主。記得細過讀書，有篇課文叫『請客』。大家都係有目的，都係以小摶大? 咁又唔好講到咁衰，大家都係同事仔，間中請下幫過自己手既人食餐飯仔，其實都係答謝之一。

打工仔心態 第二回 1. 頭三個月返工，無野做會搵野做，第一個月比家用屋企，竟然都要閃閃縮縮，其實都唔知驚乜? 2. 過左試用期，好開心咁請家人吃飯，一心諗住可以創一番好事業。 3. 日子耐左，做熟左，明白公司邊D係人，邊D係鬼，自己要學好定位。老闆都開口叫我講多兩句，自己仍選擇...

自己唔係老闆，又唔係HR出身，更加無請人經驗。不過公司請人，係唔係真係千遍一律，永不改變呢? 有D老闆好鐘意請靚女，全公司都係靚女。就好似銅鑼灣時代一間賣女性裝飾用品既鋪頭仔，可以話美女如雲，有時行過都覺醒神。 反觀有D古板老闆呢，尤其係女BOSS (唔好話我偏見)，硬係鐘意請D...

越大個越少食傳統月餅，單黃，雙黃，甚至四黃都好，對我都唔多吸引。因為由細到大我都唔多鐘意食黃。咁多年都係食蓮容多個食黃。 呢一兩年，可以話係冰皮既世界。無他既! 今日天文台話有成33度，史上最熱既中秋節，再係咁落去，真係人都溶。 記得中學時代，中秋會同D同學仔出下街‧唔知有幾時開...

自己遲下搬新屋，今日都幫『老比』購入大屋。 形容下架屋先‧其實真係搵左好耐，一路都搵唔岩‧無他既! 鬼叫我家隻肥狗真係好肥，一般狗屋根本唔岩佢。平時我地要用一個裝42吋大LCD電視既紙箱比佢當屋企。 不過咁岩有日經過IKEA，竟然見到一個比小朋友玩既脹幕。都係百二蚊，價錢唔夠，S...

新屋既設計一早已經決定左，但呢期周圍出去睇傢俬時，真係咩都睇唔岩。唔係價錢問題，而係屋企地方細，好多市面傢俱都唔岩Size。更加無理由，下下度身訂做咁重皮架。 再同家人從新考慮，其實有無必要兩間房呢? 日後要改動時又麻煩，空間又細左好多。結果決定取消原有設計，一廳、一房、一廁所、...

今日臨放工得知，其中一個同事又唔撈。數數手指，同自己 friend既都差唔多走得七七八八。出邊市道真係咁好咩? 聽同事仔講，出左去人工大幅加 40% 以上，起碼叫做市價。而家留係公司，屈屈埋埋都唔見有職升，有人工加。成日話有得加，年頭講到年尾，都唔知加咩! 可能真係比左一個好好既...

由細到大都好鐘意行玩具街，玩具鋪。灣仔春園街，旺角兆萬，同反嘔城都係長期至愛。 不過人大左，洗錢孤寒左。現在見到好多心頭好，大大件又平都唔捨得買。更少行左玩具街。換來既，係開始行傢俬鋪。昨日去左 IKEA，足足行左成個鐘，不過完全無悶場，感覺就好似係好多好多不同款式，不同傢俱中，...

無法子，真係唔同級數。唔到佢唔囂，因為真係好好笑。有頭有尾，有笑位。 其中男人有三不: - 1. 不主動 ← 其實鬼咁主動 2. 不抗拒 ← 根本係無能力反抗 3. 不負責 ← 唯一做到既野! 真係笑到嘔泡.....!

今日睇CK 大介紹 呢個 自制面相 網，立即手多多玩下。以下係小弟個自制圖，明顯係美化左自己唔少，哈哈! 不過睇番個網，實際選擇真係唔多，可能係免費功能，如果肯比錢，應該有更多選擇吧? 有玩過日本 H-Game既朋友都知，當中你可以自制你個女女，要幾靚有幾靚，不論樣貌、身材、高度...

無啦啦上網搵到套何河篤棟笑，睇完先知原來佢係達明老婆。雖則成個show笑位唔多，不過間中都有一兩句精景金句。 不過換個角度諗下，如果兩公婆都係熱愛演出，兩個都係演出者，同聲同氣，其實都幾幸福。做人有時就係咁，唔一定要靚爆鏡，但夾岩路既，真係唔係咁易，始終都係人夾人。

酷 熱 下 折 「 鷹 」 復 仇 　 阿 根 廷 封 王 打 鐵 趁 熱 ， 但 踢 波 最 好 不 要 太 熱 ， 惟 昨 日 京 奧 男 足 決 賽 卻 在 攝 氏 42 度 高 溫 下 進 行， 戰 至 30 分 鐘 更 需 中 途 停 頓 ， 讓 球 員 降 溫 。 最...

今日同家人去左灣仔睇裝修用品，真係成條街間間鋪都係，五花百門。 唔覺唔覺，原來小小地一間屋仔都可以咁講究。上至牆身電線，下至地磚床櫃水龍頭都要煩。最難攪係點配色，自己睇色板以為好岩，但實物出場未必咁好。又要預價錢，又要睇質料。藍配橙，米黃鬥木色，各花入各眼，希望日後出來效果唔錯啦...

昨晚訓前都係風平波靜，無咩惡劣環境。今朝都打定輸數，無奈返工。誰不知一起身，已已經8 號風球。『鸚鵡』果然做到野，抵讚! 打大風對打工仔來講，算係一個額外假期。平日各有各忙，打大風好應該一家人留係屋企食下飯，而家又有奧運睇，更加唔會悶啦。

睇左 鐵鎚兄 篇打工仔心聲，其實自己都想講，好多人好多時都係處於兩難。 記得自己初初畢業，好好彩搵左一星期就有工開。不過估唔到係做接線生，日日返唔同更，星期六日唔一定有得放。只係叫做有工開，同工作日日清。因為根本唔會有野帶落第二天。D 同事又係唔錯，大家會好開心間中開下party...

係讀書年代，一直都有掛住個骷髏公仔係門口。到搬返屋企住都一直有帶住。差唔多叫做跟左我六、七年。今日都決定掉左佢，一來想轉下運，二來 骷髏又真係唔係幾好意頭咁。 其實有時人就係咁，好運時咩都當係寶。一衰起上來就話要改運睇風水。靈可信其有，不可信其無。唔好怕老土，唔掂就要識睇路數。

講番句公道說話，今日返公司加班，老闆們有安排番餐午飯比員工食。好唔好食，貴唔貴，飽唔飽都係其次，重要係有得食。 其實好多公司都係五天工作，星期六返工其實真係好靜，好多平日既煩電話都唔會响，因為無人知你返左工，就自然無人攪你。感覺真係可以專心做d平日想專心做既野。 所謂吊頸都要透氣...

記得初入職工作，日日放左工都唔肯走，唔到D人走得七七八八都唔走。現在未放工都準備急急腳走。早期一星期返五日半工，現在公司叫你加一日OT都嘈晒咁。係唔係應讓檢討下呢? 呢期公司上新系統，好多野將會好亂。平日有平日野做，咁自自然會想D員工假期返公司幫下手。結果呢? 員工們又唔憤氣，又...

一向都唔睇奧運，未開始播前自己都係咁同自己講。記得細過邊會有心機睇d咩跳水、體操、舉重呀。就算日日播足球，唔係強隊大戰都唔會望多兩眼啦! 但人大左，可能明白左。識得欣賞運動員背後付出既努力。台上一分鐘，台下十年功。金銀牌只差一線，如果大熱出局，真係唔知點面對鄉親父母。 何惜冠軍總...

自己無睇開奧運，昨晚都無現場睇開幕，不過能夠見到中國攪得好，國歌成日係頒獎台播，都係件開心既事。

打完風既日子，唔再比籍口自己，一放工就仆左落街跑步。不過跑跑下感覺唔對路，做乜隻右腳唔多順咁，原來個鞋底爛左。 話晒『鞋仔』都跟左我兩三年，真係算係風雨不改，一齊完成個全馬拉松，跑超過三四百公里。今日正式退役了...........!

會考放榜必落大雨既魔咒差唔多年年都係，今年叫做遲左兩日。 不過呢個熱帶氣旋『北冕』對我地呢D返工人士，有多日假真係打得好。但對於未有學校收既會考生，就再多日辛苦。大雨搵學校既折墮真係畢生難忘。

自己怕轉工，一來怕外邊好多野都做唔掂，二來怕又要重新認識新環境。人都會係咁，何況係動物。 今日帶左小狗去新屋，結果一去到小狗好似瘋狂咁亂走亂叫，又怕主人唔要求，行一步跟一步，廁所都唔敢去。乜都未有已經係咁，年底正式入伙時，咁佢點算? 小狗住慣大屋，家陣要搬細屋，活動空間細左，但相...

有好多時返工做野，唔一定即時有結果。好事當然唔怕等，但如果明知自己做錯野，而事件有好快比上司知道，係等結果既過程中，係最難受。因為唔知上司會有咩反應，唔知錯事件有幾大影響。係太多太多不知明既因素下，呢D就係所謂無形壓力。 小錯事，自然少壓力。大問題，會令人焦慮不安，試過影響睡眠。...

唔知係唔係性格問題，間中個人就成日有D 想改變。不過多數都係腦內改變，行動同現實中係完全無點變，最多都係改少少，真係好少好少。 自從上左會後，成個人既感覺唔同左。一來欠銀行一身債，二來好多家頭細務，裝修設計都要花下精神。不過講真好多都係靠家人諗，自己好似坐係度等入伙咁。 其實都唔...

今日同家人去左食自助餐，主要唔係因錢多無地方洗，而家人個親密朋友話想大家見下面。尤其係我呢位長期龜隱既中年人。自不然老媽子落格殺令，迫我一定要出現。 其實之前係街都遇見過，不過無打招呼。大家唔熟，都無咩好傾咁。同枱食飯，大家睇望望加傾一兩句計。短短個兩小時，話咁快又過左。其實唔係...

唔係講錢，係講屋企地方細細，小小位都要計過量過。之前有好多設計，結果現實中好多都唔可行。呢兩晚都有再上去睇下，初部有個新構思，希望效果會好。跟住開始睇下其它家電，環境問題，好多野都唔岩洗。要物盡其用之餘，又要唔好晒位。室內設計真係一門高深既學問。 前日攪左電費，今日又交左水費，遲...

昨晚正式收左鎖匙入屋量位，結果攪左一晚，原先既設計全部要取消。屋仔細細自自然唔係你想點就可以點。一邊預到位，另一邊又唔夠位。整得張床，又唔見左個櫃。電視制、電話線、插蘇同燈制，樣樣都要從新預計。 唔知進度會係點，不過好大機會年尾前入伙。到時新屋落地，又係另一個世界。

歷史故事，歷史與故事，歷史好似每每同故事拉上關係。係因為咁樣能讓世人有所共鳴，讓小孩容易記住，讓古人更神化。 睇左吳宇森大遵套『赤壁之戰』上集。先不討論卡士與特技，只係同其它同類三國戲比較，真係有讚有彈。三國一向都被世人神化，加上有羅貫中既演義，更加將人物推上高峰。劉關張趙，打江...

經濟話世上無『免費午餐』，但對自己來講慳左錢就夠，理你係唔係唔岩邏輯。 話說今日去游水，差唔多夠鐘去到摩理臣山泳池門口已經排晒長龍。舊時都無試過係咁，不過可能係新作風吧。唔理啦，照排下隊好快入閘。 一點夠鐘，已經拿拿臨攞定張八達通等比錢。最奇係去到閘口，見人人都係話過就過，唔洗比...

今日上律師樓正式交尾數同簽埋最後個D文件。講真D文件份份都幾十頁，又鬼咁多英文，有時間都無心睇啦。不過話晒係老爸朋友介紹既律師，又係間大律師行，點都信得過既。不過真係估唔到樓宇買賣咁鬼多野要攪。現在都只係攪左前期，後期既野都未開始。 作為律師，收得客人錢就要負上專業責任。客人簽隻...

唔知係唔係香港太多愁雲慘事，近年越來越多棟篤笑show。睇左森美個單人show，如其話單人show，其實都有好多人友情客串。不過可能始終係新手吧，感覺好多冷場，唔知現場觀眾有無同感? 同其他較出名既棟篤笑演出者相比，真係有待改善。始終唔同演員有唔同風格。詹sir係傾向藝術家fee...