
終於都進入執屋既階段,自己性格一向都唔鐘意臨急臨忙。雖然有排都未搬,但一早已經想快快手執好晒D野先,攪到間屋鬼咁多膠箱同紙皮,行兩步都無位咁就岩晒。
尤其係星期六、日,無咩街去,最好都係慢慢執下野。其實搬屋都有一個好處,可以搵番好多年都無拎過出來既野,再掉左佢。平日見佢唔到,咪比佢繼續安穩渡日,今時唔同往日,一唔順眼就預左無得留底。
不過咁多野唔執,我竟然都係先執左D玩具先。可能對我來講,呢D先係最重要既財產。
雖然D玩具無一樣係值錢,無一樣係特別版,但就係記錄左自己咁多年既回憶。當年一件件咁帶回家,拆開包裝,就代表左一個生命的開始。

