港女日記

再次証明，寧得罪親朋，莫得罪高登。小小一單港女大鬧元朗聯興行，可以由罵戰到榮登報紙頭版。真係唔知好嬲定好笑。

有人話當事人可憐，比人起晒底，都唔知點見人。好彩香港人善忘，早期既巴士阿叔，美心港女，已經過眼雲煙。

現在出街真係唔好亂咁同人嘈，因為時代已變，『笨人出口鬧，叻人手機拍』，下一位男/女主角，隨時可能係自己。

打左半個風

一早起身，打開電視機，出奇地8號風仍在。可惜天文台預早張揚，十點會落波，唯有較好閙鐘，繼續返床碌過。

打半天風，最擔心唔係趕唔切返工，而係午餐點算好。穩陣起建，都係食個飽飽既老麥，買定多個包填肚，就一定無死錯。

其實返半天工，個人都未入狀態，就更想快d放工，結果生產力基乎係零。

又係打風

上次既熱帶氣旋叫『彩虹』，一聽個名都知一定打唔成風，無法子，要遇見彩虹，總是雨過天晴時。今天又輪到熱帶風暴『巨爵』，又係九成晚間經過，看來明天要繼續返工。

其實香港人日日期望打大風，可能生活實在太幸福，攪到個個身在福中不知福(包括自己)。