朋友就是治病良方

病向淺中醫

昨日喉嚨痛到連吞口水都痛，根本無晒食慾，訓又訓唔到。結果今朝都係偷偷地係辦公時間鼠去睇醫生。連醫生都奇怪點解會發炎到咁紅，以為我有咩暗病。

就係咁醫生比左兩日藥同一樽咳水。唔食又只何，一食即時『睡魔』上身，差d失去知覺。最慘係今晚重有野要做，呢刻都唔敢再食d藥住，怕真係暈左係馬路中心都唔奇。

-------------------------------------------------------------------------

話說晚上係朋友仔既大日子，幾唔舒服都要比面。為左做好準備，到場前已經走左去『海皇粥店』食碗白粥、食碟齊腸填下肚(無法子啦，病到咁，唔戒口掂得)。不過一路食就一路呻救命，個喉嚨好似就快爆咁。

差唔多夠鐘，點都要頂硬上。去到見到好多舊朋友，明明唔飲得，都要飲番少少紅酒過下癮。出奇地身體放鬆左，病都好似好左D。

睇見身邊既朋友，一個二個都過得幸福，有時都幾羨幕。

祝 朋友仔身體健康，白頭到老。