聖誕過後

話說終於都過左呢四日假期，快樂不知時日過，但唔快樂，日子都係咁過。全年咁多個節日，其實最唔鐘意首選聖誕。

話咁快又除夕，不過一日半日訓醒已經又一日。

呢個假期，最大變化係想學飲紅酒。經過超市，望見幾十款酒，真係唔多識揀。鬼唔知越貴越好，不過作為新手，無理由買支幾百蚊咁晒。結果上網查左一查，見有人介紹d超市平價貨，都即刻入番支。

昨晚試開左，個木塞鬼咁實，攪左五分鐘先開到個樽。最閉係一個人又飲唔晒，成日下下擺幾日，想唔變味都難。

衰經濟，照消費，香港人，無閉翳。如果有經過商場，根本唔覺市道差，人人都一袋二袋。不過咁都好，寧可自己買唔到，總好過個個收埋等運到。