新生活

距離渣打既日子越來越近，但狀態無咩點提升過。一來真係懶左好多，二來呢幾年好似到左樽頸位，再跑唔番上去。

睇見其它網友，前前後後報左好多不同比賽。自己呢? 年年都只係得一個渣打，今年希望會有少少改變，試下不同路線，可能會迫番出個鬥心。

PS 有無人知，其它比賽既資料呀?

----------------------------------------------------------------------------

呢一個月飲左幾餐酒，見到身邊既同學都成立室。自己重好似長唔大咁，有時都有d汗顏。大家坐埋一圍，感覺好格格不入。一大班人既活動，離唔開飲酒，下下都話飲。邊會話一大班人去練跑咁傻仔。

但要我晚晚玩天光，我又唔鐘意。就算明知第二朝無野做，都唔希望訓醒已經又天黑。其實星期六、日可以早少少起身，同家人飲下茶 (其實係厄飯食!!!)。中午再跑下步，都重有好多時間用。如果飲完一晚，第二日真係腳仔都軟埋。

不過生活越有規律，咪越同人玩唔埋。自己一向都相信，世界咁大，總有同自己岩傾既人既。阿Q左好多年，希望09會搵到『新生活』啦。