選手包

今年係第五年跑渣打，中午時間已約左個朋友仔去維園攞裝備。少有地人數唔算多，十公里同半馬條龍都係得幾個人。反而全馬就鬼咁長龍，可能大會明知你地都係長氣袋，等下都無仿啦。下年啦，下年我都會做番型仔既全馬人，哈哈。

見肥龍兄講開大會既紀念品好唔掂，無主題又無款，好似是旦比舊野你咁。不過呢五年既記念品同大會衫，自己都重有儲底。早幾年重懶型咁，搵人幫我班左兩件大會風褸著下。

不過今日唔知點解天氣忽然回暖，自己最怕就係咁。一係一直凍落去，又冷又熱好易病。自己重要狀態麻麻，可能又開始緊張，好怕又會失眠，未跑先腳軟。

唯有祝自己同大家都『步步有力』。